ӨСВӨР ҮЕИЙН ЖУДО БӨХИЙН НЭЭЛТТЭЙ ТЭМЦЭЭН БОЛЛОО

         

Дундговь аймгаас төрсөн Анхны эмэгтэй жудо бөхийн ОУХМ Төрбатын Баасанжавын нэрэмжит Өсвөр үеийн жудо бөхийн нээлттэй тэмцээнийг Биеийн тамир спортын газартай хамтран 2015 оны 05 сарын 09-10-ны өдрүүдэд амжилттай зохион байгууллаа. Тэмцээнд 7 сургуулийн 87 тамирчин оролцсоноос багийн дүнгээр Цолмонбаяр дасгалжуулагчтай аймгийн жудо бөхийн холбооны баг, Тогоохүү, Цэндсүрэн дасгалжуулагчтай 3-р сургуулийн баг, Эрхэмбаатар дасгалжуулагчтай Мандал сургуулийн баг эхний байруудад шалгарлаа. Тэмцээнд олон улсын хэмжээний мастер Т.Баасанжав, түүний гэр бол төрөл төрөгсөд, найз нөхөд, Адаацаг сумын удирдлагууд, нутгийн зөвлөл оролцож, Монголын жудо бөхийн холбооны шүүгчид тэмцээнийг шүүн явууллаа.

НӨХӨРСӨГ ТЭМЦЭЭН

Дундговь аймгийн Адаацаг сумын оюутны аварга шалгаруулах нөхөрсөг тэмцээн энэ сарын дөрвөнд амжиллтай болж өндөрлөлөө.

ГОВИОС ИРДЭГ БАЙСАН ХҮН

           Ж.Осоржин агсны тухай дурсамж тэмдэглэлийн "Хэцүү уншигч" номыг гэр бүлд нь эмхтгэн хэвлүүлжээ. Энэ номд ардын уран зохиолч Б.Лхагвасүрэн, Соёлын гавъат зүтгэлтэн Г.Мэнд-Ооёо, Д.Шагдарсүрэн, УИХ-ын гишүүн Ц.Оюунгэрэл,  "Болорцом"ын эзэн Д.Болдхуяг, Б.Ичинхорлоо гэх мэт олон хүн түүний тухай дурсамжаа үлдээсэн байна.

ИСГЭРЭЭНИЙ ӨВ ТЭЭГЧ

 Дундговь аймгийн Луус сумын уугуул ерөөлч магтаалч, Төв Азийн өргөсжлөлт”Халх эмэгтэй туульч”, “Монгол туульч”, “Улсын уран уншигч” Соёлын тэргүүний ажилтан Халтарын Цэрэнчимэдтэй ярилцлаа.

            -За, та энэ “Тэнгэрийн тэмдэг” хүүхдийн театрт өөрийн хүсэлтээр ирж багшилж байна уу? Эндээс урьж залав уу?

            -“Дорждавга гуайн нэрэмжит “Тэнгэрийн тэмдэг” хүүхдийн театр байгуулагдлаа та ирж ардын язгуур урлагийн багшаар  ажиллаж өгөөч” гэж манай дарга, Ууганбаяр захирал хүсэлт өгсөн. Би юү мэдэж чаддаг гэж боож хааж байхав дээ, нутаг орон минь нааш ир гэж байхад.